بسم اللہ الرحمن الرحیم
(واٹساپWhatsapp)
یہ دنیا کی مقبول ترین موبائل ایپ ہے جس کو ہم فیس بک کا چھوٹا بھائی کہتے ہیں، 2009میں یاہو کے دو سابقہ ملازمین ’’بائن ایکٹن اور جان کوم‘‘ نے ایجاد کیاروزاول ہی سے یہ ایپ لوگوں کے درمیان مقبول ہوتا چلاگیااور فیس بک کے بعد سوشل میڈیامیں واٹس ایپ ہی سے زیادہ تر لوگ منسلک ہیں تقریباروزانہ 40 ارب سے زائد میسجز کو یہ ایپ پوری دنیا میں منتقل کرتیہے۔
اس کا استعمال تو ہر کوئی کرتا ہے لیکن اس کے شرعی مسائل کی رعایت بہت ہی کم حضرات کرتے ہیں ،اس کی وجہ یا تو احکام شریعت سے لاپرواہی ہے یا پھر لاعلمی اس لئے یہاں واٹس ایپ کے کچھ اہم مسائل پیش خدمت ہے،تاکہ اس کو بوقت استعمال عمل لا یا جائے ،
سوال : واٹساپ کیا ہے اور اس کا استعمال کرنا کیسا ہے ؟
جواب : واٹساپ ایک شوشل میڈیا کا سافٹ ویئر ہے جس میں پیغام رسانی کا کام لیا جا تاہے ،اب اس میں اچھی مضامین اور دینی مضامین بھیجے جائیں تو جائز ہو گا اور فحش چیزیں بھیجی جائیں تو حرام ہو گا ۔اب واٹساپ کے استعمال کرنے والے کے اوپر ہے کہ وہ اس کو کس کام کیلئے استعمال کر رہا ہے اگر جائز امور کے لئے استعمال کر رہا ہے تو جائز ہو گا اور اگرناجائز امور کے لئے استعمال کر رہا ہے تو ناجائز ہو گا ۔
سوال : واٹساپ پر دینی مضامین کا بھیجنا کیسا ہے ؟
جواب : جائز ہے ۔
سوال : واٹساپ پر دینی ویڈیو بھیجنا کیسا ہے ؟
جواب: بعض علماء کے نزدیک دینی وضروری پروگرام کا ویڈیو بنانا جائز ہے اس لئے ان حضرات کے نزدیک ایسے پروگرام کا بھیجنا جائز ہو گا تا ہم اس سے بھی احتیاط کرنا بہتر ہے۔
سوال : فوٹو کا بھیجنا کیسا ہے ؟
جواب ؛ محض فوٹو کا بھیجنا درست نہیں ہے ،ہاں!اس فوٹو سے کوئی ایسا کام لینا ہو جس کے لئے شریعت میں فوٹو کی اجازت ہو تو ایسے کا م کے لئے فوٹو بھیجنا جائز ہے ۔ قال رسول اللہ ﷺ من حسن اسلام المرأ ترک مالا یعنیہ (شعب الایمان )
سوال :واٹساپ پر ایسے مضامین کا بھیجنا جو دوسرے مذاہب والوں کے لئے باعث تکلیف ہو کیسا ہے ؟
جواب :بالکل درست نہیں ہے ۔المسلم من سلم المسلمون من السانہ ویدہ( حدیث بخاری ۱/۶)
سوال : واٹساپ پر غیر محرم سے دوستی کرنا ، ایک دوسرے کو sms بھیجنا کیسا ہے ؟
جواب : بالکل درست نہیں ہے ۔
سوال : واٹساپ پر گروپ بنانا تاکہ smsوغیرہ ایک ہی مرتبہ میں سارے متعلقین حضرات کو پہنچ جا ئے کیسا ہے ؟
جواب : جتنے لوگوں کو گروپ میں شامل کیا گیا ہے وہ حضرات بخوشی اس گروپ سے منسلک ہوں یا ان سے اجازت لیکرشامل کیا گیا ہو تو درست ہو گا ۔
سوال : واٹساپ پر مسائل دریافت کرنا کیسا ہے ؟
جواب : جس سے پو چھا گیا ہے وہ قابل قبول شخصیت ہو اور جواب بھی اسکی جانب سے آنے کا یقین ہو تو اس میں کوئی قباحت نہیں ہے پھر بھی روبرو مسائل کاپوچھنا بہتر ہے۔
سوال : کیاواٹساپ پر غیر جاندار کی تصویر بھیجنا جائز ہے ؟
جواب : کسی مقصد کے پیش نظر ہو تو جائز ہے ورنہ اس میں قیمتی وقت کو ضائع کرنا ہے ۔ قال رسول اللہ ﷺ من حسن اسلام المرأ ترک مالا یعنیہ ( شعب الایمان )
سوال: واٹساپ پر اللہ تعالیٰ یا آپ ﷺ کے اسم گرامی کی امیج بنا کر بھیجنا کیسا ہے ؟
جواب : جس کو بھیجا جارہا ہے اس کی جانب سے بے ادبی کا خیال نہ ہو تو جائز ہے (تمام مسائل لیا گیاہے ْْموبائل کے مسائل ٗ ٗسے مئولفہ مفتی محمد عبد اللہ عزرائیل قاسمی )
No comments:
Post a Comment
شکریہ آپکا کومینڈ مفتی صاحب کے میل تک پہنچ گیا